Ա. Ահարոնյան 3/8, Երևան, Հայաստան
Շուշան Ասլանյան
Պարարվեստի ռեժիսոր, բալետմայստեր, մանկավարժ և «Դուլսինեա» պարարվեստի դպրոցի հիմնադիր-գեղարվեստական ղեկավար։
Ուսման և մասնագիտական փորձը
2005–2009Երևանի պարարվեստի պետական քոլեջի ավարտական որակավորում։
2009–2013Ուսանել է Երևանի թատրոնի և կինոյի պետական ինստիտուտում։
2013–2015Ավարտել է նույն ինստիտուտի մագիստրատուրան։
2009-ից մինչ օրսՍկսել է մանկավարժական գործունեությունը և շարունակել մինչ օրս։
2013-ից մինչ օրս«Դուլսինեա» պարարվեստի դպրոցի հիմնադիր-գեղարվեստական ղեկավար։
Շուշան Ասլանյանի մասնագիտական ճանապարհը ձևավորվել է պարարվեստի, բեմարվեստի և մանկավարժության համադրությամբ։
2005–2009 թվականներին սովորել և ավարտել է Երևանի պարարվեստի պետական քոլեջը՝ ստանալով պրոֆեսիոնալ պարուհու մասնագիտական որակավորում։ Այնուհետև՝ 2009–2013 թվականներին, ուսումը շարունակել է Երևանի թատրոնի և կինոյի պետական ինստիտուտում՝ պարարվեստի ռեժիսուրա մասնագիտությամբ, որտեղ ստացել է բալետմայստերի մասնագիտացում։
Մասնագիտական կրթությունը շարունակելով՝ 2013–2015 թվականներին ավարտել է նույն ինստիտուտի մագիստրատուրան՝ պարարվեստի ռեժիսուրա մասնագիտությամբ, ստանալով մագիստրոսի աստիճան։
Շուշան Ասլանյանի մանկավարժական գործունեությունը սկսվել է 2009 թվականին և շարունակվում է մինչ օրս։ Տարիների ընթացքում նրա աշխատանքը ձևավորվել է ոչ միայն որպես պարարվեստի ուսուցում, այլև որպես սանի անհատականության, բեմական մտածողության և ստեղծագործական ներուժի զարգացման գործընթաց։
2013 թվականից Շուշան Ասլանյանը ղեկավարում է «Դուլսինեա» պարարվեստի դպրոցը, որի կրթական համակարգի հիմքում դրված է բազմակողմանի արտիստի ձևավորման գաղափարը՝ միավորելով պարարվեստը, բեմական խոսքը, շարժման մշակույթը, ստեղծագործական մտածողությունն ու բեմական փորձը։
Ինձ համար պարարվեստի կրթության ամենակարևոր արդյունքը միայն լավ պարող ունենալը չէ։ Կարևոր է ձևավորել անհատ, ով կարողանում է մտածել, զգալ, ստեղծագործել և ինքնավստահ ներկայանալ բեմում ու կյանքում։